Спортскиот директор на Баер (Л), Симон Ролфес ги коментираше гласините за потенцијалното заминување на тренерот на тимот, Чаби Алонсо во Реал Мадрид.
„Тој го продолжи договорот не толку одамна, и тоа го направи со причина, затоа што знае дека градиме голем проект. Тој има многу добар тим, многу добар стручен штаб и целосна поддршка во нашиот клуб. Тоа е она што го мотивира него и нас. И мислам дека тоа се гледа и кај играчите. Затоа и го продолжи договорот. Да, има гласини, но тоа се случува. Јас сум мирен“, изјави Ролфес.
