И дефинитивно стратегот Младен Жижовиќ го “подигна“ тимот на Шкупи. Чаирчани со него имаат четири од четири, денеска триумф над Струга ТЛ во супер дербито и тоа со 2:0.
По мечот стратегот од БиХ не го криеше своето задоволство:
„Тоа беше вистинско дерби. Во првиот дел за нијанса бевме поквалитетен тим од противникот.Имавме шанси,но не реализиравме. Во продолжение од средбата ја сменивме играта, тоа резултираше со акции и голови, можевме да победиме и поуверливо. Денеска бевме доминантни против Струга ТЛ и заслужено победивме, бевме подобри во сите елементи на фудбалската игра“ заврши стратегот на Шкупи.
