Вардар 1961 дојде до петата победа во низа во Супер-лигата, на домашен терен ја оправда улогата на фаворит против Вардар Неготино совладувајќи го со 35-19 (17-9) . „Црвено-црните“ дуелот го решија по првото полувреме, во кое постигнаа 17 гола, а примија само девет. Отворија со 3-1, по 8-5 со серија од 5-1 зголемија на 13-6. Многу брзо по одморот дојдоа на плус 15 (27-12) и до крај без проблем го приведоа мечот во своја корист.
Кај домашните најефикасни беа Матија Николиќ и Ален Ќосевски со по 6 гола, a кај гостите Лазар Адамовиќ даде 9 гола. Идното коло Вардар ќе игра со Мулти Есенс, додека Вардар Неготино ќе игра дома со Бутел.
