Еден од двајцата главни понудувачи за купување на акциите и станување на нов сопственик на Манчестер Јунајтед, шеикот Џасим бин Хамад Ал Тани, донесе цврста одлука дека повеќе нема да ја зголемува својата понуда за „црвените ѓаволи“.
Според „Тајмс“, Катарците ја дознале веста дека Сер Џим Ретклиф ја променил својата стратегија и одлучил да испрати понуда за 25% од клубот за 1,5 милијарди фунти во обид да го принудат да ја зголеми својата понуда. Последната понуда на шеикот беше околу 5 милијарди фунти. Тоа не беше прифатено од семејството Глејзер и според последните информации Американците всушност засега се откажале од намерите да го продадат клубот.
Глејзерси го купија Манчестер Јунајтед во 2005 година за 800 милиони фунти, а доколку сега ја прифатат новата понуда на Ретклиф, ќе додадат нов инвеститор и во исто време ќе го задржат мнозинскиот пакет акции. Британскиот милијардер верува дека тоа долгорочно ќе го доближи до стекнување на целиот клуб.
