Попладнево во Струга, со почеток од 14 часот на Градскиот стадион, Струга ТЛ го дочекува тимот на Силекс. Ова е меч од 10.коло. Натпревар кој и тоа како е важен за стружани, посебно ако се знае дека тие на последните две гостувања против Шкупи и Шкендија претрпеа порази.
Па така пред момците на стратегот Шпетим Дуро, императивот е победа и само победа.
Интернационалецот од Албанија, Вангел Згуро, во пресрет на овој натпревар против Силекс има свое видување:
“Против Силекс ќе се обидеме да дојдеме до трите бода, да покажеме зошто сме шампиони. Да не заборавиме дека ние имаме и меч помалку,оној со Вардар кој допрва треба да го одиграме. Па затоа со победа пак ќе бидеме горе на табелата.Максимално сме фокусирани и верувам дека ќе ги освоиме трите бода.Сакам да ги повикам струшките навивачи и денеска да дојдат и да ни јададат поддршката, како што тоа секогаш го прават, а ние тоа знаеме да го почитуваме“ изјави левиот офанзивен бек на Струга ТЛ.
