Еуро Никел ја запиша и втората победа во новата сезона во Првата лига, откако го доби дербито со Кожув. Кавадарчани пред своите навивачи славеа со 80-73 во дербито на колото.
Кошаркарите на Еуро Никел добро влегоа во мечот, првата четвртина ја добија со 26-17, но на другата страна следеше соодветен одговор од гостите. На одморот резултатот беше 38-37, најава за неизвесна завршница.
Кавадарчани се издигнаа во третиот период го добија со девет коша разлика, па веќе во последните десет минути влегоа со значајна предност од 66-56. Македонскиот селектор, Александар Јончевски се обидуваше да го најде патот до пресврт, но тешко одеше, на крајот тој и неговиот тим мораа да се помират со поразот број два сезонава.
Мекквин со 19 поени беше прв стрелец, зад него со дабл-дабл беше Вранеш со 18 поени и 13 скок. Кај гостинскиот состав, Слатер имаше 24 поени, недоволни за победа.
