ДС Јунјатед на својата официјална страница објави дека поранешниот англиски репрезентативец, Вејн Руни повеќе нема да биде тренер на тимот, откако не успеа да обезбеди пласман во плеј-офот во МЛС-лигата. Во моментов клубот предводен од Руни се наоѓа на деветото место во Истокот, но веќе ги одигра сите своите натпревари, додека конкутентите зад него се уште имаат за играње.
„Сега е вистинско време. Направив се што е во моја моќ да го доведам тимот во плеј-офот“, е изјавата на Руни.
Руни ми се приклучи на ДС Јунајтед во јуни 2018, четири години подоцна стана главен тренер. Претходно од 2020 до 2022 година беше тренер на Дерби Каунти.
