Македонскиот одбојкарски шампион Струмица го одигра првиот контролен натпревар во пресрет на настапите во квалификациите од ЦЕВ Лигата на шампионите. Струмичани викендов во својата сала ја пречекаа екипата на Дубочица од Лесковац и загубија во квалитетен натпревар со 3:1 во сетови.
Ова беше само прв меч за нашиот првак, кој се уште е во првата фаза од подготовките и допрва почнува да ја крева натпреварувачката форма пред дуелите на квалификацискиот турнир од Лигата на шампионите кој ќе се одржи во Бургас од 27 до 29 овој месец.
Според најавата од струмичкиот состав, екипата во следниот период треба да има уште неколку меѓународни контроли со екипи од Бугарија.
