Репрезентацијата на Албанија во фуриозен стил и со 3:0 ја совлада Чешка во дерби дуелот на групата Е во квалификациите за Евро 2024 и на две кола пред крајот на квалификациите со една нога обезбеди учество на престојниот собир на најдобрите европски квалификации. Сите три гола ги постигнаа фудбалери кои беа потенцијални репрезентативци на Македонија, затоа што првите професионални чекори ги направија во Вардар и Работнички.
Albania 1-0 Czech Republic – Jasir Asani 9′
byu/4gjdtokurwa insoccer
Јасир Асани со уште еден убав гол во 9. минута донесе голема радост за домашните навивачи на Националната арена во Тирана, па потоа на сцена стапи Таулант Сефери, кој со два гола ја потврди победата на домашните во 51. и 73. минута. Во оваа група Полска успеа да ги освои трите бода кај Фарските Острови и да остане во трка со Чешка за евентуално второто место кое води на ЕП.
Шпанија во Севиља со 2:0 ја совлада Шкотска во исклучително важниот меч за пласман на едно од двете места кои обезбедуваат пат кон Евро 2024. Шкотите кои имаат 5 победи во 5 одиграни средби досега, го претпеа првиот пораз, но останаа лидери во групата со 3 бода предност пред Шпанија. Головите за победа на Шпанците ги постигнаа Мората (73′) и Сансет (86′).
Голема победа и за Турција на гостувањето во Осијек против Хрватска. Турците со голот на Бариш Јилмаз постигнат уштево 30. минута дојдоа до триумф и го запоседнаа врвот на табелата во групата Д, каде Хрватска сега е втора со три бода помалку од Турција.
КВАЛИФИКАЦИИ ЗА ЕП 2024
ГРУПА А
Кипар – Норвешка 0:4
Шпанија – Шкотска 2:0
ГРУПА Д
Летонија – Ерменија 2:0
Хрватска – Турција 0:1
ГРУПА Е
Албанија – Чешка 3:0
Фарски О. – Полска 0:2
ГРУПА И
Андора – Косово 0:3
Белорусија – Романија 0:0
