Челниците на фудбалскиот клуб Ал Духаил од Доха немаа трпение за аргентинскиот стручњак Ернан Креспо. Популадниот Валданито пролетта му донесе на тимот тројна круна, а во новата сезона со освојување на само еден бод од две кола во групата на Азиската Лига на шампиони доби отказ.
Креспо го предводеше Ал Духаил до шампионската титула на Катар, потоа националниот Куп и Старс купот но тоа не беше доволно. Ремито со таџикистанскиот Истикол и поразот од иранскиот Персеполис ги изнервира сопствениците.
Челниците одлучија негов наследник да биде Кристоф Галтие кој имаше неславна разделба со Пари Сен Жермен. Галтие потпиша договор со осумкратниот катарски шампион.
Дебито на Французинот на кормилото ќе биде на крајот на овој месец кога Ал Духаил ќе игра против Ал Наср на Роналдо, Мане, Брозовиќ во 3.коло на ЛШ.
Во домашниот шампионат Ал Духаил е на четвртото место со 10 бода од пет кола, три помалку од лидерот Ал Сад.
Thank you @DuhailSC 🔴 pic.twitter.com/iXybn6hxZu
— Hernan Crespo (@Crespo) October 12, 2023
Galtier Manages #AlDuhail
• https://t.co/HbjTUnvY6O#Qatar pic.twitter.com/IIPXf0rIUj
— نادي الدحيل ALDUHAIL (@DuhailSC) October 12, 2023
