Македонскиот репрезентативен блокер, Филип Савовски го освои првиот трофеј со својот нов клуб, Војводина од Нови Сад. Во финалето на српскиот Суперкуп кој се одржа во Крушевац, тимот на Савовски славеше со 3:1 (25:20, 25:23, 21:25, 25:19) против екипата на Партизан, која минатата сезона доминираше во сите српски натпреварувања.
Савовски како ново засилување за Војводина денеска во финалето покажа дека ќе биде екстра засилување за тимот, па дури и со ас-поен успеа да го затвори денешното финале во кое неговиот тим покажа дека годинава ќе биде голем конкурент на Партизан за сите трофеи на српската сцена.
Савовски финалето го заврши со 7 реализирани поени од кои 4 беа по одлично поставен блок.
