Словенија и натаму останува прв фаворит во групата „Х“ за пласман на 1. место и пат на ЕП 2024 година. Словенцитевечерва на домашен терен ја совладаа Финска со 3:0 и стигнаа до петтата победа во квалификациите кои ги оставаат на првото место во групата со 16 бода, ставајќи ги зад себе Данска со 13 (натпревар помалку) и Финска со 12 која сега е на третото место и се чини ја губи битката со Словенија за двете места кои водат на Евро 2024.
Словенија вечерва на домашен терен славеше со головите на неверојатниот Шешко уште во првото полувреме, додека Јанза во 92. минута само ја потврди победата.
Бугарија, која во моментов важи за една од послабите селекции во овие квалификации, загуби дома од Литванија со 0:2. Бугарите го претрпеа четвртиот пораз во квалификациите в шестиот одигран меч.
