Како што информираат од страна на Фудбалската федерација на Македонија, пуштени се во продажба билетите за пријателскиот меч во Струмица меѓу Македонија и Ерменија на стадионот “Благој Истатов“. Оваа средба се игра на 17 октомври (вторник) со почеток од 15 часот. Билетите чинат по 200 денари, навистина пристојна цена за фановите кои ќе сакаат во живо да ја бодрат својата репрезентација на Македонија.
Продажбата на билетите се одвива низ мрежата на МК Тикетс, а ќе може да се купат и на билетарата во спортската сала во Струмица.
