Уште едно голем шок за фановите на хрватската репрезентација. Вечерва „коцкестите“ поразени заминуваат од Кардиф, каде Велс во новото квалификациско коло за ЕП 2024 славеше со 2:1 и ги стави фаворитите под голем притисок во битката и за второто место кое од оваа група носи на континенталниот собир догодина.
Вечерва Велс одигра храбро, херојски, и заслужено славеше. Херој на Велс беше Хари Вилсон, кој двапати го совлада Доминик Ливаковиќ во 47. минута на асистенција на Брукс и во 60. минута кога погоди со глава во подалечниот агол од голот на Ливаковиќ за 2:0. Надежта на Хрватска ја врати Пашалиќ, кој по корнер погоди за 2:1 во 75. минута од натпреварот.
Во оваа група вечерва Турција ја прегази Летонија со 4:0 со головите на Акгун од 58. Тосун од 83. И 90+2. и Актуркоглу од 87. минута од натпреварот и со тоа обезбеди пласман на Евро 2024.
Полска доживеа уште една бламажа откако вечерва на домашен терен не успеа да слави против Молдавија. Во Варшава средбата заврши 1:1, а Полска останува трета на коло пред крајот на квалификациите, практично без шанси за место на ЕП.
Со победата од 1:0 на гостувањето кај Норвешка, Шпанија веќе е на ЕП 2024, а со себе таму ја носи и Шкотска.Норвежаните со овој пораз остануваат само трети без шанси во ноемвриските квалификации да направат изненадување.
КВАЛИФИКАЦИИ ЗА ЕП 2024
ГРУПА А
Грузија – Кипар 4:0
Норвешка – Шпанија 0:1
ГРУПА Д
Турција – Летонија 4:0
Велс – Хрватска 2:1
ГРУПА Е
Чешка – Фарски О. 1:0
Полска – Молдавија 1:1
ГРУПА И
Швајцарија – Белорусија 3:3
Романија – Андора 4:0
