Швајцарците извлекоа бод во „ролеркостерот“ со Белорусија

180

Швајцарија се извлече од пораз вечерва во квалификациите за Европското првенство 2024. Вечерва во Ст.Гален ремизираше со Белорусија 3:3 и покрај тоа што на полувреме имаше водство.

Џердан Шаќири ја доведе Швајцарија во предност, а во второто полувреме Белорусија свртеа преку головите на Ебонг и Полјаков од 61. до 69. минута. Во финишот офанзивецот на БАТЕ, Дмитри Антилевски постигна гол кој беше признаен по проверка поради можен офсајд за тогаш 1:3. Во 89. и во 90. минута Швајцарците стигнаа до бод. Прво погоди дефанзивецот Аканџи, а по него гол даде играчот за врска на Барнли, Зеки Амдуни за конечни 3:3.

Швајцарија е лидер со 15 бода по 7.кола, а втора е Романија со 13 бода. Израел е трет со 11 бода но и меч помалку. Следуваат Белорусија со 8 бода од 8 меча, Косово и Андора со 7 односно 2 бода.

Репрезентацијата на Чешка ги совлада Фарските Острови со 1:0. Чесите беа огромни фаворити во дуелот со последнопласираната селекција во групата, а успеаја да го скршат отпорот на противникот во финишот. Михал Садилек во 4.минута ја погоди левата статива, а истото го направи и Адам Хложек во 35.минута.

Во 74 минута Фаеро играше со рака во сопствениот шеснаесетник и судијата покажа пенал. Томас Соучек погоди од белата точка за победа на Чесите.

 

ПретходноБутел Скопје победник во градското дерби со Пролет
СледноКожув го „демолира“ Охрид со 27 поени разлика

ПОВРЗАНИ СОДРЖИНИПОВЕЌЕ ОД АВТОРОТ