Во моментов вкупно 26 лица го стартуваа семинарот за тренери, од кои најголем дел наши познати сегашни фудбалери, па и репрезентативци, но и неколкумина кои неодамна фудбалски се пензионираа. Интересно, меѓу нив се и Езѓан Алиоски и Давид Бабунски, и двајцата се на списокот на играчи на селекторот Благоја Милевски за мечот одигран во Прага со Украина, и за тој денешниот со Ерменија во Струмица. Се чини дека и двајцата го искористија својот престој тука да го стартуваат курсот или семинарот за тренери.
Покрај нив тука е и Адмир Мехмеди, роден во Гостивар но некогашен член на репрезнетацијата на Швајцарија за која одигра 76 меча, а играше во познати клубови во Германија, Шајцарија, Украина и Турција.
На овој семинар се и Агим Ибраими, Даниел Мојсов, Јасмин Мециновиќ, Арменд Алими, Фљамур Таири, Зени Хусмани, Седат Бериша, Владимир Димитровски, Крсте Велкоски, Христијан Кировски, Изаир Емини, Гоце Тодоровски, Јорданчо Џипунов, Боби Божиновски, Музафер Ејупи, Драган Треноски, Сајмир Медија, Емран Алиоски, Марија Конеска, Анита Алексиќ, Берхан Идризи, Рами Куртиши, Мартин Алаѓозовски.
Сите овие еден ден ќе добијат тренерска диплома и ќе бидат тренери.
