Инвестициската компанија Отро Капитал најави влез на нови ѕвезди кои инвестирале свои средства во Формула 1 тимот на Алпин.
Во текот на летото, компанијата најави купување на 24 отсто од акциите на Алпин за 200 милиони евра од страна на холивудските актери Рајан Рејнолдс и Роб Мекелхени.
Сега неколку познати спортисти се приклучија во истата инвестициската група, па и тие имаат свој удел во Ф1 тимот на Алпин. Станува збор за одбранбениот играч на Ливерпул, Трент Александер-Арнолд, светскиот и европски фудбалски шампион со шпанската репрезентација Хуан Мата, боксерскиот шампион Ентони Џошуа, како и двајца играчи од тимот на Канзас Сити Чифс од НФЛ лигата.
