Викендов со натпреварите од 1. коло, стартуваат новите одбојкарски првенства во машка и женска конкуренција. По одличното лето со настапи на нашите репрезентации и на европското првенство и во Европските лиги, одбојкарите и одбојкарките се враќаат со клупските обврски.
Годинава најелитното одбојкарско друштво во машка конкуренција ќе брои 12 клубови и треба да донесе уште еден интересен и уште поизрамнет шампионат во кој титулата ќе ја брани екипата на Струмица. Сите шест средби од премиерната рунда се закажани за в сабота.
Кај дамите во Првата лига годинава меѓу 8-те најквалитетни состави титулата ја брани Работничи, а како и кај мажите, и кај жените сите дуели од 1. коло ќе ги одиграат во сабота.
ПРВА ЛИГА – МАЖИ
1 КОЛО (САБОТА)
15:00 Штип УДГ – ГОК Борец (СС Јордан Мијалков)
15:00 Вардар – Јанта Волеј (о.у. Гоце Делчев – Петровец)
19:30 Универзитет во Тетово – Струмица (СС Млади УТ)
19:30 Лирија – Македонија Џио (о.у. Гоце Делчев – Тетово)
20:00 Работнички 71&22 – Веснa Пробиштип (о.у. Н. Георгиева – Дуња)
20:00 Сушево – Шкендија (о.у. Гоце Делчев – Василево)
ПРВА ЛИГА – ЖЕНИ
1 КОЛО (САБОТА)
14:00 Вардар 2019 – Наковски Волеј (СЦ Форца)
17:00 Вардар ЕМ – Јанта Волеј (СС Македонски Херои ФФОСЗ)
18:00 Младост УДГ – Работнички (СС Јордан Мијалков)
19:30 Струмица – Фит Фан Волеј (о.о.у. Никола Вапцаров)
