Тони Џангаровски ја доби довербата за нов шеф на стручниот штаб на Македонија Ѓ.П, заедно со Боби Божиновски кој ќе биде прв асистент.
„Без размислување го прифаќам предизвикот бидејќи верувам во успех со оваа екипа. Веќе на следниот натпревар ќе покажеме дека Македонија ЃП е победничка екипа“, рече Џангаровски.
Инаку смената на тренерска клупа доаѓа по вчерашната разделба на “лавовите“ со Горан Симов, и тоа убедливиот пораз од Струга ТЛ на свој терен во Ѓорче со 0:3. Факт е дека Македонија ЃП оваа есен, во изминатите 11.кола далеку беше од очекувањата и поскаувањата на раководството на клубот и нејзините фанови. Освоени се само 11 бода, доволно за долниот дел на табелата.
Инаку Тони Џангаровски е некогашен првотимец на Македонија ЃП, веќе извесно време беше дел и од стручниот штаб, па така ова беше логично решение.
