Ракометната кадетска репрезентација на Македонија e поразена на првиот меч на „Трофејот Карпати“. На отворањето, селекцијата под раководство на Наум Танески доживеа пораз од Египет со 21:35.
Најефикасен во репрезентацијата на Македонија беше Јулијан Матески со пет погодоци, втор стрелец беше Филип Насевски со четири гола.
Кадетите на Македонија во јануари ќе ги играат квалификациите за пласман на кадетскиот континентален собир 2024, а во групата се Косово, Словачка и Швајцарија. Најдобрите две селекции ќе обезбедат билет за ЕП.
