Тренерот на Партизан, Жељко Обрадовиќ, по вчерашната драматичн апобеда над Црвена Звезда во градското дерби во рамките на Евролигата, изјави дека капитенот на тимот Кевин Пантер е повреден и дека денеска ќе оди на магнетна резонанца. Ден по големата победа на Партизан против Црвена Звезда, „црно-белите“ ќе чекаат вести за нивниот лидер кој има проблем со коленото.
„Кевин го болат двете нозе. Утре ќе оди на снимање, не знаеме каква е неговата состојба. За нас е важен секој играч, бидејќи немаме време за одмор и опоравување бидејќи новото „вечно дерби“ е веќе во понеделник, но на меч од АБА лигата“, изјави Обрадовиќ.
