Нашиот најдобар таеквондист Дејан Георгиевски поради повреда го откажа финалето на Г1 турнирот во Букурешт и со тоа се закити само со сребрен медал. Се работи за повреда на дланката поради која Георгиевски не можеше да настапи во финалето.
На патот ги совлада Полет Мануел од Белгија, Андриј Харбар од Украина и еден од најдобрите таеквондисти на светот Емре Кталмиш од Турција, сите со по 2:0 во рунди.
„Почитувани,
Овој спортски или олимписки подвиг кој го покажува Дејан Георгиевски ни од блиску не е забележан од како Македонија е самостојна држава, за само два месеци тој од четири настапи на официјални олимписки турнири Г1, освои 4 медали. 2 златни, 2 сребрени“, соопштија од тимот на Георгиевски.
