Во 10. коло од Премиер-лигата на „Олд Трафорд“ се сретнаа Манчестер Јунајтед и Манчестер Сити, a „граѓаните“ славеа со 0-3.
Играч на натпреварот беше норвешкиот напаѓач Ерлинг Халанд. Прво постигна два гола, а потоа асистираше за третиот.
Од 11 метри Халанд ги доведе гостите во предност во 26. минута, а во 49. минута го зголеми резултатот на 0-2. Тој му асистираше на Фоден за конечниот резултат на 10 минути пред крајот на натпреварот.
Пеп Гвардиола даде интересна изјава по натпреварот. Тој се потсмеваше на домаќините, велејќи дека тие секогаш се чувствуваат добро на „Олд Трафорд“.
„Секогаш се чувствуваме добро кога играме овде. Играчите го даваат својот максимум. Со децении, со Сер Алекс Фергусон, Јунајтед беше на врвот. Го променивме тоа. Го одигравме она што го подготвивме“, рече Гвардиола, кој се искоментира за Халанд.
„Имав чувство дека ќе постигнеме четири гола, но Онана се спротивстави. Тој работи одлично, сите го сакаат. Луѓето очекуваат тој да постигне 70 гола”.
По деветтото коло Манчестер Сити е трет со 24 бода, исто толку колку и вториот Арсенал. Тотенхем е на врвот со 26 бода.
