Возачот на Ред Бул, Макс Верстапен победи на синоќешната трка во Формула 1 за Големата награда на Мексико и ја постигна рекордната 16-та победа во сезоната.
Thank you Mexico, the past few days have been incredible 🇲🇽🙌
We are experiencing an amazing season, and again today, we had a really strong race! We were absolutely flying @redbullracing 👏 Let’s keep pushing 💪#MexicoGP pic.twitter.com/RrIFMUKjM6
— Max Verstappen (@Max33Verstappen) October 29, 2023
Трикратниот последователен светски шампион Верстапен ја запиша 51-та победа во кариерата, и постави нов рекорд од 16 победи. Тој одлично ја започна трката, на стартот го престигна возачот на Ферари, Леклер кој беше во пол-позиција и без проблеми ја оствари петтата победа во Мексико.
Второто место го зазеде седумкратниот светски шампион Луис Хамилтон од Мерцедес, кој освои и бод за најбрз круг на трката, а трет беше Леклер.
Четвртото место го зазеде Карлос Саинц од Ферари, петти беше Ландо Норис од Мекларен, а шести Џорџ Расел од Мерцедес. По нив следат: Даниел Рикиардо (Алфатаури), Оскар Пјастри (Мекларен), Александер Албон (Вилијамс), Естебан Окон (Алпин).
