Саудиска Арабија ќе биде домаќин на Светското првенство 2034 година, потврди првиот човек на ФИФА, Џани Инфантино. На последниот ден за аплицирање остана само Саудиска Арабија бидејќи Австралија се повлече од трката, па Саудијците останаа без конкуренција.
Следниот Мундијал во 2026 година ќе се игра во САД, Канада и Мексико, а Мундијалот во 2030 година во Шпанија, Португалија и Мароко со тоа што отварањето ќе биде во Аргентина, Парагвај и Уругвај. Тоа ќе биде одбележување на 100 години од одржување на првиот Мундијал во Уругвај.
