Фудбалерите на Вест Хем а целосно го надиграа и елиминираа Арсенал од натпреварите во Лига Купот на Англија. „Чеканите“ на домашен терен славеа со 3:1 и обезбедија четвртфинале во популарниот Карабао Куп.
Двете екипи на теренот излегоа со силни состави, а домаќинот стигна до една од најубедливите победи сезонава во дуелот со второпласираната екипа од Премиер лигата.
Домашните поведоа во 16. минута со автоголот на Вајт, а следните два гола беа дело на Агер и Џерод Боувен. Конечните 3:1 ги постави капитенот на Арсенал, Мартин Одегард.
Ливерпул со 2:1 славеше на гостувањето кај Бурнмаут. „Црвените“ поведоа со голот на Гакпо во првиот дел, а во второто полувреме домашните се понадеваа на успех откако Клајверт израмни (64’). Само шест минути подоцна Нуњез со евро-гол ги врати гостите во предност и ги донесе до победа за четвртфинале.
Во групата од осум најдобри се и Челзи кој со 2:0 го совлада Блекбурн, Евертон кој со 3:0 му пресуди на Барнли и Фулам кој беше подобар на гости од Ипсвич со 1:3.
