Место фестивал на кошарката под мотото „Заедно до 16“, синоќа на отворањето на турнироте ФИБА YDT во Скопје, за малку ќе имаше прекин на еден од натпреварите и тоа оној на машката кошаркарска селекција на Македонија.
Имено, на дуелот Македонија – Бугарија за играчи до 14 години, гостите во самата завршница на средбата (на околу 4 минути пред крајот) незадоволни од судењето решија да се повлечат од теренот по инструкции на селекторот на бугарската репрезентација. На прекинот му „кумуваше“ серија до 10:0 на нашата селекција, која го презема водството и очигледно го навлече гневот кај гостинскиот селектор.
По цели 20 минути, Бугарите на крајот се вратија да го доиграат мечот.
