Тиквеш и Гостивар одиграа 2:2. Интересно беше во Кавадарци, но страстите зовреа кај кавадарчани по тој пенал кој беше досуден од страна на Александар Грујоски кој никако не беше прекршок за најстрога казна.
По мечот, кој на моменти беше и во прекин, за “СпортСпорт“ своја изјава даде тренерот на Тиквеш, Ѓорѓи Мојсов:
„А, што да се каже? Срамен пенал. Ако Грујоски не виде најдобро тогаш зошто помошникот не му кажа. Инаку нашиот гнев денеска зовре не само поради денешните настани, туку и поради се она што сезонава му го прават на Тиквеш. Секогаш ние сме оштетувани. Инаку честитки за моите играчи на храбрата борба, честитки и за Гостивар кој покажа дека има навистина силен тим“ изјави Мојсов.
