Кошаркарите на Чаир 2030 направија голем пресврт и на крајот дојдоа до нова, петта победа сезонава во Првата кошаркарска лига, откако на домашен терен со 88:84 славеа против екипата на Кожув. Гостите имаа фантастично прво полувреме и голема предност од 33:50, но во вториот дел на теренот имаше само една екипа – Чаир 2030.
Чаирчани одиграа фантастично во третата четвртина која ја добија со 30:16 со што не амо што ја анулираа негативата, туку најавија дека одат на комплетен пресврт.
Одличен меч за домашните одигра Мофит со 31 поен, додека Корбет постигна 18. Кај Кожув 22 поени запиша Киршнан.
