Шкупи владее со Скопје. Шкупи ја доби “војната“ за главниот град. Победа од 2:0 против Вардар во интересен натпревар, во кој чаирчани покажаа многу повеќе, можеа да дојдат и до поубедлив триумф.
Спектаклот на Чаир и еуфоријата ја донесоа Воша во 25.минута и Кука во 74.минута.
Со овие три бода момците на стратегот Младен Жижовиќ и натаму се лидери на табелата.
На мега – дербито во Струга видовме извонреден фудбал, но и победа на крајот за Струга ТЛ од 2:1. Прво Радески во првиот дел промаши пенал,во второто полувреме гостите поведоа со гол од пенал на Красничи во 54.минута, потоа останаа со играч помалку по исклучувањето на Чинари. Во 73. и 75. минута Компаоре и Радески со фантастичен пресврт донесоа екстра значајна победа за Струга ТЛ.
