Грабежите по домовите на фудбалерите станаа тренд. Последна жртва на ограбувачите беше Серхио Рамос, а еден од криминалците кои се занимаваат токму со вакви работи даде интервју за шпанскиот весник „El Espanol“. Станува збор за водачот на албанско-косовската банда познат само по името Алберто. Се вели дека Алберто е главниот човек на бандата која брои преку стотина криминалци.
„Го ограбивме Карим Бензема, а еднаш се обидовме да го ограбиме и Кристијано Роналдо. Упаднавме во неговата куќа во Мадеира, но пленот што го најдовме таму не беше особено примамлив. Пред 11 години упаднавме во куќата на Јохан Кројф. Сфативме чија куќа е кога ги видовме фотографиите на ѕидовите. Успеавме да украдеме скапоцености вредни околу 20 илјади евра“, рече тој.
Водачот на оваа банка откри дека Лионел Меси бил единствениот фудбалер што можел, но не сакал да го ограби.
“Неколку пати ги запирав луѓето кои сакаа да упаднат во куќата на Меси. Се разбира, не можам да ги спречам сите такви обиди, но овој пат можев. Многу сум горд на тоа. Можев сам да го ограбам Меси, имав можност да упаднам во куќата на неговите родители пред околу една година. Не го направив тоа од почит кон Меси, се грижам за него“.
