Кога твојата екипа ќе победи во мега – дерби, кога твојот тим не само што ќе победи туку и играчки во целост ќе го надигра ривалот иако ти не можеш да сметаш на речиси половина стандардни првотимци, е тогаш тоа е голема работа.
Голема работа за Струга ТЛ која со 2:1 славеше над Шкендија. Токму затоа, по се ова погоре кажано, Шпетим Дуро, стратегот на шампионот е тренер на колото.
Дуро го надмудри својот помлад колеги и поранешен соработник од времето кога заедно ја тренираа Дрита во првенството на Косово.