Навивач на ПСЖ прободен со нож пред мечот со Милан, се бори за живот!

129

Во Милано пред вечерашниот натпревар од Лигата на шампионите помеѓу Милан и ПСЖ се случија неколку навивачки пресметки, а во едната тешко е повреден навивач на францускиот тим, кој, како што јави италијанската новинска агенција АНСА, се бори за живот. АНСА додаде дека 34-годишниот навивач на ПСЖ бил избоден со нож во главата и ногата и се наоѓа во болница во Милано.

Повредени се и неколку полицајци кои интервенираа во конфликтот. Сепак ова не беше единствената навивачка пресметка во ноќта од понеделник кон вторник. Претходно ​полицијата интервенираше поради судир меѓу десетици навивачи на ПСЖ и жителите на еден кварт во Милано. Подоцна интервенирала и на една од улиците каде што се наоѓале француски навивачи, а на еден од нив му била потребна лекарска помош.

АНСА напиша и дека безбедносните служби и полицијата во вторник ќе ги зајакнат собирите на најголем број навивачи пред Сан Сиро. Натпреварот помеѓу Милан и ПСЖ во групата Ф започнува во 21 часот.

 

ПретходноГоце Седлоски е желбата на новите газди во Работнички!
СледноСветски, а наш: Гого Славески е новата Адора Атлета

ПОВРЗАНИ СОДРЖИНИПОВЕЌЕ ОД АВТОРОТ