Тренерот на Милан, Стефано Пиоли ги опсипуваше своите играчи со суперлативи по победата над ПСЖ. „Росонерите“ победија со 2:1 и го постигнаа првиот успех во Лигата на шампионите, со што ги задржаа надежите за пласман во осминафиналето.
„Натпреварот во Париз беше еден од нашите најлоши во сезоната. Моравме да играме со срце за да го добиеме резултатот што го посакуваме. Момците беа како еднo и заслужуваат пофалби.
Беше многу важно да се победи. Сега ќе имаме уште една шанса против Борусија (Дортмунд). Секако, посакувам секогаш да играме како денес. Понекогаш играчите се способни сами да се справат во тежок момент, што и да им каже тренерот“, изјави тренерот на Милан.
Милан има средства од 5 бода и се наоѓа на третото место во групата „Ф“, а во следното коло се среќава со лидерот Борусија (Д) која има 7 бода.
