Македонија со двајца боксери ќе се престави на претстојното Европско првенство за боксери до 22 години. Ален Рустемовски и Арјан Исени ќе ги бранат боите на нашата земја на првенството кое почнува утре.
Шампионатот ќе се одржи во Будва, Црна Гора, од 10 до 20 ноември, а на истиот се очекува да настапат над 320 боксери од 38 држави.
Како новитет, за боксерите се предвидени и парични награди за освоените медали, но и за пласман во четвртфиналето. За златен медал наградата е 8000 американски долари, за сребо 4000, додека за бронза ќе се добива премија од 2000 долари. Пласман во четвртфинале ќе биде вреден 1000 долари.