Во меч од Евролигата, Барселона очекувано ја победи Ц. Звезда на свој терен, но неочекувано доста потешко од тоа што се предвидуваше. На крајот резултатот гласеше 86:81 во “Блауграна“, но треба да се каже дека од -17 поени гостите во последните три минути дојдоа до израмнување на 78:78 и тогаш се случуваа почетнички грешки на Теодосиќ, Недовиќ, Нејпир, потоа непотребните технички на тренерот Сферопулос и Митровиќ. Сето тоа убаво го искористи Барса и успеа на крајот да победи. Едноставно “црвено – белите“ сами се победија.
Што се однесува до стрелците, Митровиќ кај гостите постигна 22 поени, додека Паркер кај Барса имаше 20 поени.
Панатинаикос во Берлин беше убедлив и успеа да забележи победа над Алба со 85:99.
Митоглу со 24 поени блескаше кај грчкиот тим.