Уругвајскиот напаѓач Луис Суарез синоќа потсети на своите најдобри денови, постигнувајќи хет-трик во победата на Гремио над Ботафого во бразилскиот шампионат.
Поранешниот напаѓач на Ливерпул и Барселона синоќа на натпреварот со Ботафого постигна хет-трик со кој направи целосен пресврт за својата екипа, која беше во негатива од 3:1, а на крајот победи со 3:4. Во 47. минута од натпреварот Гремио беше на колена, откако Ботафого погоди за 3:1. Сепак, Суарез стапи на сцена и работите почнаа да се менуваат.
„Ел Пистолеро“ првпат погоди во 50. минута. Само три минути подоцна Суарез постигна уште еден гол за Гремио и израмни на 3:3.
Уругваецот хет-трикот го спроведе во 69. минута, па Гремио на крајот славеше голема победа.
Во 82. минута со овации од трибините Суарез го напушти теренот.
Grêmio were down 3-1 at halftime, Luis Suárez took it personal and scored a hat-trick to win the match. 🔥
The 36-year-old striker is still getting it done. 🍷 pic.twitter.com/TG5gSgT3lj
— CBS Sports Golazo ⚽️ (@CBSSportsGolazo) November 10, 2023
