На Баерн Минхе му оди доста добро, ја обезбеди нокаут фазата од Лигата на шампионите, иако моментално заостанува два бода зад водечкиот Баер, во клубот се уверени дека ќе ја освојат 12-та последователна титула.
Единствената мана е испаѓањето во Купот на Германија, но очигледно целта беше да се насочат сите сили на две, објективно гледајќи ги поважните натпреварувања, барем од перспектива на навивачите и членовите на Баерн.
Клубот ќе инсистира на доведување засилувања во јануари, а стручњакот за трансфери, новинарот Фабрицио Романо веќе го најави првото засилување на Баварците за 2024 година. Станува збор за 17-годишниот Нестори Иранкунда, суперталентиран Австралиец роден во Танзанија, кој може да игра и на крилните позиции и како централен напаѓач.
Во моментов е член на Аделаиде од Австралија, но на почетокот на 2024 година би можел да замине во Минхен. Баерн ќе му плати само три милиони фунти со одредени бонуси, а навивачите веруваат дека добиваат уште еден голем талент кој во иднина би можел многу да му донесе на тимот.
На 39 натпревари од 2022 година, тој постигна девет гола за моментално третопласираната екипа во австралиската А-лига.
Првиот натпревар за сениорскиот тим го одигра на 22 јануари 2022 година, кога немаше ни 16 години. Како што е вообичаено, кариерата најверојатно ќе ја започне во Баерн во младинскиот тим, па постепено ќе добива шанса во првиот тим.
