Јувентус дојде до деветата победа во Серија А и привремено се искачи на врвот на табелата. Тимот од Торино на домашен терен славеше против Каљари со 2-1.
„Старата дама“ напаѓаше скромно, гостите немаа премногу амбиции ниту во нападот. Без реални шанси, првото полувреме заврши со 0-0. До 60. минута не се случуваше ништо, по што Јуве го даде посакуваниот гол, а главната улога ја имаше Бремер скокна високо и од тешка позиција со глава ја упати топката во мрежата на гостите од Сардинија.
Десет минути подоцна, по центаршут, Ругани успеа со гради да ја турне топката во мрежата и се чинеше дека е решено прашањето на победникот.
Сепак, со малку среќа Каљари се врати во 75. минута. Алберто Досена постигна гол со глава и намали на 2:1, што повторно значеше нервоза на стадионот во Торино, бидејќи Каљари играше поофанзивно во последните 15 минути и со сите сили сакаше да дојде до вредниот бод.
Јуве имаше голема среќа во 81. минута кога стативата ги спаси домашните фудбалери. Досен шутираше, но немаше среќа, што пак ќе беше голем шок за противникот.
