Па добро кој игра тука во ЛШ? Секако дека ова се прашуваат фановите во Германи и Европа по денешниот меч меѓу Леверкузен и Унион Берлин. Меч кој заврши со победа на “фармацевтите“ со 4:0.
Да, во ЛШ игра тимот од Берлин, но овој Леверкузен на Чаби Алонсо едноставно е фантастичен.
Игра во страшна форма, победува, гази ли гази. Па така денеска дојде до 10 победи во единаесетиот меч, нема пораз туку само едно реми.
И дефинитивно е најголем ривал на Баерн Минхен во битката за титулата во Бундеслигата.
На денешниот меч стрелци беа Грималдо, Косоуноу, Тах и Тела.
Секоја чест, ниту еден тим во ТОП 5 првенствата во Европа нема таков биланс како што има составот на Чаби Алонсо.
