Тијери Анри, иконата на францускиот фудбал, некогашниот светски првак, денеска се осврна на квалитетот на елитната лига во неговата земја. Факт е дека во последно време Лига 1 не е толку интересна, има најмалку голови од сите останати лиги во ТОП 5.
Анри говори и на таа тема.
“Искрено морам ова да го кажам. Се соочуваме со глем проблем. Па, како да гледаш Рен – Лион додека во исто време Челзи и Сити го играат мечот на сезоната, кога таму има 8 голови, шанси, темпо, пресврти, супер интересно. Јасно е дека нашата Лига 1 е крајно здодевна. Во ова коло се постигнаа 12 голови, а во минатото 13. И не се само проблем головите, па кај нас, освен кога игра ПСЖ, често се случува на еден дерби меч да нема шутеви кон голот“ истакна селекторот на младата репрезентација на Франција.
