Македонската фудбалска репрезентација денеска на пладне во хотелот “Хилтон” во Скопје го имаше првиот собир пред дуелите со Италија и Англија во завршницата на квалификациите за Евро 2024.
Милевски со список од 25 имиња попладнево со првиот тренинг од 17.30 часот ќе ги започне подготовките за петочниот дуел со “Аѕурите” во Рим. Во репрезентацијата веќе пристигнаа најголемиот дел од повиканите репрезентативци, со исклучок на Елмас и Трајковски кои ќе стигнат неколку часа подоцна.
