Еден од најдобрите судии во Словачка, Филип Глова е одреден да биде дел од спектаклот во понеделник на Арената во Скопје, каде од 20:45 часот се среќаваат Македонија и Англија. Тој ќе биде главен судија, а негови помошници се Даниел Полачек, Петер Беднар и Борис Марфевка, исто од Словачка.
Судии во ВАР собата ќе бидат од Словачка и Полска.
Филип Глова има само 35 години, важи за еден од најдобрите судии во својата земја и еден од најперспективните во Европа. Покрај мечеви во својата земја тој редовно суди и на евро-сцената.
