Младата фудбалска репрезентација на Македонија за играчи до 21 година попладнево (18 ч.) во Рид, Австрија, ќе го одигра последниот меч за оваа календарска година. Избраниците на селекторот Драги Канатларовски и гостуваат на Австрија во пријателски меч како завршница на активностите за овој период од квалификациите за ЕП 2025, кои Македонија во оваа 2023 година ги заврши со една победа и три порази.
Канатларовски денеска ќе има можност да тестира и дел од оние кои немаат статус на првотимци, па преку 90-те минути на дуелот со Австрија ќе треба да се докажуваат пред продолжението на мартовските квалификации следната година.
Досега во оваа возрасна категорија имаме двапати играно против селекциите на Австрија и двапати бевме поразени (2:0 и 4:0).
