Одлична игра, одличен настап и повеќе од убедлива победа на нашата У-19 репрезентација со 4:0 против Саудиска Арабија во пријателски меч. Се играше во Тарагона (Шпанија) а момците на селекторот Тони Јакимовски едноставно ги демолираше своите противници.
Македонските надежи поведоа со 1:0 во 21.минута кога по една одлична акција гол постигна Елмас. Го удвоивме водството во 33.минута кога по центаршутот на Марковски, Величковски стрелаше во мрежата на С. Арабија.
Со тие 2:0 се замина на пауза, а во самиот финиш на оваа контролка, во 83.минута еврогол постигна Зенделовски за 3:0, додека конечните 4:0 беа дело на Николовски во 90.минута.
Да кажеме дека на 7 декември ќе има ждрепка по што оваа наша репрезентација ќе ги дознае своите противници во елитните квалификации за пласман на ЕП 2024.
