Лука Дончиќ и Кајри Ирвин му донесоа победа на Далас во драматична победа против ЛА Лејкерс од 104-101. Мавси на стартот на последната четвртина имаа предност од 20 поени, но „езерџиите“ на крилата на Леброн се вратија во мечот, на крајот за малку ќе победеа.
Со кошот на Џејмс и промашената тројка на Дончиќ, Лејкерси имаа два поени предност на 22 секунди до крајот, но потоа Дончиќ ја фати топката под кошот и му асистираше на Ирвинг за тројка за +1 Мавс и тоа низ нозете на Леброн. Во следниот напад Дончиќ му ја украде топката на Леброн, а Ирвинг потоа ги погоди двете слободни фрлања за победа.
Дончиќ беше најдобар стрелец, постигна 30 поени (10/26 шут од поле), 12 скока, 8 асистенции, 2 украдени топки и без загубени топки. Ирвинг постигна 28 (11/22 од поле), вклучувајќи ги гореспоменатите најважни поени.
Кај Лејкерси најефикасен беше Леброн со 26 поени, од кои 16 во последната четвртина, а додаде и 9 скока и 7 асистенции.
Резултати: Шарлот – Вашингтон 117-114, Орландо – Денвер 124-119, Атланта – Бруклин 147-145 (по прод.), Бостон – Милвоки 119-116, Кливленд – Мајами 96-129, Индијана – Торонто 131-132, Хјустон – Мемфис 111-91, Минесота – Филаделфија 112-99, Њу Орлеанс – Сакраменто 117-112, Оклахома – Чикаго 116-102, Сан Антонио – ЛА Клиперс 102-109, Феникс – Голден Стејт 123-115, Портланд – Јута 121-105, ЛА Лејкерс – Далас 101-104.
