Шведскиот „Афтонбладет“ пренесе информација дека Фудбалската федерација на Шведска му понудила селекторска функција на Грем Потер, поранешниот тренер на Челзи.
Меѓутоа Потер ја одбил работата со образложение дека целта му е да работи во клуб и дека моментално не го интересира работа со репрезентација. Претходно Потер во Шведска поминал седум години како тренер на Остерсунд од 2011 до 2018 година.
Инаку клупата на Шведска е испразнета по оставката на Јане Андерсон поради неуспехот во квалификациите за ЕП 2024.
Потер е без работа од април кога доби отказ во Челзи, а претходно успешно го водеше Брајтон.
