Во италијанската Серија А вечерва се одиграа последните два меча од 13.коло. Болоња им се врати на победите по оној пораз од Фиорентина пред една недела. Сега тимот предводен од Тијаго Мота го совлада Торино со 2:0 што е петта победа сезонава и скок на шестото место на табелата со 21 освоен бод.
Торино го запиша петиот пораз и е на 12-тата позиција.
Головите паднаа во второто полувреме, прво погоди Џовани Фабијан, а во последната минута и германскиот интернационалец Џошуа Зирке.
Во Верона истоимениот домашен тим ремизираше со Лече 2:2. Гостите на два пати водеа, а домашните го изедначуваа резултатот и на крајот си освоија бод.
Верона е претпоследна со девет бодови, а Лече е на 13-тото место со 15.
Во шпанската Ла Лига, екипата на Џирона продолжува да воодушевува со резултатите. Вечерва во рамките на 14.коло Џирона одигра 1:1 со Атлетик Билбао. Поведоа домашните со гол на Циганков во 55 минута, а изедначи Ињаки Вилијамс во 67 минута. Џирона е втора на табелата со 35 бодови исто колку и лидерот Реал Мадрид. Атлетик е на петтата позиција со 25 бодови.
— 👑155A (@issa_umar54500) November 27, 2023
Inaki Williams with a wonderful weak footed goal to tie the game at 1-1 for Athletic Club away from home against Girona. ⚽️🇬🇭
Oihan Sancet gets the assist for the goal. 🪄🇪🇸pic.twitter.com/3tqMXN0T1n
— LaLigaExtra (@LaLigaExtra) November 27, 2023
