Бостон како првопласиран од групата „Ц“ на НБА купот успеа да се пласира во четвртфиналето на ова ново натпреварување. Селтикс синоќа со победата од 124:97 против Чикаго го потврија местото во четвртфиналето. Џејлен Браун со 30 поени, осум скока и шест асистенции и Џејсон Тејтум со 21 поен, седум скока и четири асистенции беа предводници на новата победа на тимот.
Со три победи и еден пораз, Бостон оди во нокаут-фазата, заедно со Орландо и Бруклин кои имаат ист скор во оваа група, додека Чикаго претрпе четири порази. Бруклин вечерва го победи Торонто со 115:103.
Во групата „Б“, Далас го победи Хјустон со 121:115 и го спречи да се пласира во четвртфиналето. Лука Дончиќ го предводеше тимот до победата со 41 поен, девет скока и девет асистенции, а Кајри Ирвинг додаде 25 поени и седум асистенции. Од групата „Ц“ Запад, Сакраменто се пласираше во четвртфиналето со победата од 124:123 против Голден Стејт. Кралевите беа предводени од Дирон Фокс со 29 поени. Сакраменто напредуваше со сите четири победи, а Голден Стејт има 2/2. На второто место во оваа група е Минесота со 3/1 по победата против Оклахома 106:103.
Кошаркарите на Кливленд вечерва ја победија Атланта со 128:105, но не успеаја да се пласираат во четвртфиналето на турнирот. Кливленд го предводеше Донован Мичел со 40 поени, 11 скока, пет асистенции и три украдени топки. Индијана, која победи на сите четири натпревари, се пласираше во четвртфиналето како првопласирана во оваа група. Атланта е последна со скор 1/3.
Од групата Б на Истокот, Милвоки се пласираше во четвртфиналето како првопласиран (4/0), а Њујорк како второпласиран (3/1). Милвоки го победи Мајами со 131:124. Бакс ги предводеа Јанис Адетокунбо со 33 поени, 10 скока, пет асистенции и три украдени топки и Демијан Лилард со 32 поени, девет асистенции и четири скока.
На турнирот 30 екипи беа поделени во шест групи во рамките на конференциите на кои припаѓаат. Екипите одиграа по четири натпревари, а победниците од секоја група и двете најдобри второпласирани се пласираа во четвртфиналето кое е закажано за 4 и 5 декември на домашен терен на подобропласираните екипи.
Во четвртфиналето на Истокот ќе играат: Њујорк – Милвоки и Бостон – Индијана, а на Западот: Феникс – ЛА Лејкерс и Њу Орлеанс – Сакраменто.
