Лаутаро Мартинез е подготвен да потпише нов договор со Интер и покрај интересот од премиерлигашите Челзи и Манчестер Јунајтед, потврдија извори од клубот.
Актуелниот договор на капитенот на Интер ќе истече во 2026 година, а неговите претставници претходно разговараа со Челзи и Јунајтед, но очигледно предност во преговорите добива неговиот сегашен клуб.
Интер летово успеа да ја задржиа својата ѕвезда и покрај силниот притисок кон Аргентинецот. Сега станува јасно дека Мартинез е подготвен да потпише продолжување со договорот со италијанскиот гигант, но прашање е како ќе се усогласат ставовите околу финансискиот дел.
Досега оваа сезона, Лаутаро постигна 13 гола во 13 натпревари во Серија А.
